1וַ֭יַּעַן בִּלְדַּ֥ד הַשֻּׁחִ֗י וַיֹּאמַֽר 2הַמְשֵׁ֣ל וָפַ֣חַד עִמּ֑וֹ עֹשֶׂ֥ה שָׁ֝ל֗וֹם בִּמְרוֹמָֽיו 3הֲיֵ֣שׁ מִ֭סְפָּר לִגְדוּדָ֑יו וְעַל מִ֝֗י לֹא יָק֥וּם אוֹרֵֽהוּ 4וּמַה יִּצְדַּ֣ק אֱנ֣וֹשׁ עִם אֵ֑ל וּמַה יִּ֝זְכֶּ֗ה יְל֣וּד אִשָּֽׁה 5הֵ֣ן עַד יָ֭רֵחַ וְלֹ֣א יַאֲהִ֑יל וְ֝כוֹכָבִ֗ים לֹא זַכּ֥וּ בְעֵינָֽיו 6אַ֭ף כִּֽי אֱנ֣וֹשׁ רִמָּ֑ה וּבֶן אָ֝דָ֗ם תּוֹלֵעָֽה׃
